وصیه

حرگ نص گلبي وكتي ونصه متعوب .......وخلاني الوكت للناس قصه

ودور مالگه بگد گلبي عطاب .........شلع نص گلبي بيده وچوه نصه

بمدرسة الحزن سجلتني الايام.........درست القهر كامل حصه حصه

وكمل جدول حياتي اشكال مابيه...... بس للحظه فرح هي التنقصه

ردت فرصه ردت احاچيه لااستاذ......لان درس القهر دلالي گصه

حفر بالباب بيده احواض تيزاب........گلي اطلع اجتك هاي فرصه

صرت مجبور احفظه واجتهد بيه .....شاعر والحزن بيه شيخلصه

وصغت همي بقصيده ودمي القاء......نزل همي بدمع بچه المنصه

اذب بالشص اشوف السمچ ما اصيد......واشوف اليمي كلشي ايصيد شصه


خاواني العسر من لف الاگماط ..........رضع ثدي الرضعته مصه مصه


ماينطي العسر من زوده للغير..........ولاچفه يمده وينطي حصه

مل منهن اخوي جروح بجروح ........ حريص وبس عليه ظهر حرصه

ومن مره تركني بمشكله وراح ....... عرف من دوني راح ايموت شخصه

جمع مصايب دنيته ولم الهموم ........والنكبات كلها وبيه وصـــــــــــــــــــه

انته و الشماته

شجاك اشبيك شو مختلف وياي
بس حچي الشماته امبين اعليك

مو ذاك الأعرفه لجان وياي
گبل ماصيح اه يگلي شبيك
... ...
تتركني قابل كون مو هيچ
جدام الشماته تگول ناسيك

حچيت اسرارنه جدام اليكرهون
ولاچنك گلتلي بصدري خافيك

وبقه سرك بگلبي ماحچيته بيوم
وحته ألروحي ما فديوم حاچيك

اخاف عليك چنت امن الهوه الهاب
وبقيت ابصدري مافديوم مطيك

خذت حچي الشماته وبيه ضحيت
وصاير هلحچي يجیبك يوديك

خساره العمر ذاك الراح وياك
ويا ندمه عمر چي چنت هاويك

بعتني انته بمزاد اكبال شمات
ليگلك خطيه اتكله شعليك

المهم كل الحصل هسه انه ناسي
وعله نار وجمر راح ابق اتانيك

خاین وعد

مو بية احلفت ماعوفك بيوم
ليش اكسرت حلفك بالنزاعات
مقابر روحي صارت تدفن جروح
متى ما تجي ابالي استقبل اموات
سيوف اجفاك كد ما طعنت الروح
بس ركز عليهه اتشوف طعنات
مسلسل ذكرياتك طولت اسنين
بطولة شاب مبدع اسمه مأسات
عَـلي گد مامشن روس السچاچين
شارع عام صار بجسمي لچمات
عيني اصبحت شاعر يوم فرگاك
ديوان اعلى خدي اصدرت دمعات
الله وياك كتلي ومو على الراس
طلع من رحت عني بأذني شيبات
مشاعر گلبي عاجر چانت وياك
بس عني ارحلت خلفت معانات

حرام اعلیک

ماعطشان اجيتك رايد الماي
حرام احجار بيدك تترس البير
عليه احلوگهم شماتي بجفاك
مو بس شمتن صارن شواجير
المايرهم الك سويته تفصال
شعجب ليصير گتلي اعذرني ميصير
عگب مگطعت بيدك جنح الأشواگ
على ياساس هسه اتريدهه اتطير
النهر لو يحط عقلة ويگطع الماي
عطش تبقى تصب عين النواعير
الخشب میهمه  واحد خشمة لو شال
بدقيقة اتذله واتكسرة المناشير
لگيت الكلشي معنى وزعلك الصار
دورت اشكثر بس ماله تفسير
رحت ماتدري حالي بيوم جافيت
لوحة الروح وفراگك بسامير

ما عندک وفه

لتدور دفاتر عتك اوياي
اذا عندك احچاية احچيهه وارتاح
حي كامل ابروحي تشوف طعنات
... جبتهن ليش؟ وين اتحط الأرماح؟
نقد هدام روحي انتقدت الموت
... من رادت اتموت وماكو ذباح
ملاك وماكو چان بأيدي قرآن
عذابك بيش اردة وجايب اشباح
برزخ بيه صار بيوم فرگاك
وجروحك بيه تفتر چنهن ارواح
شنو نفع الفلح لو ماكو بستان؟
والبستان صبخة ابلية فلاح
درع بيدي زرعتك ضد الأيام
اشلون بأيد غيري اتخضر اسلاح
اقفلت روحي بسناسل راضي بس ليش ؟
ياشامت تشوفه انطيته مفتاح

سامحتک

يــا عمـر الفراشة .. الــبربعينة أيـضيع ..
مجبـور العمـر .. ويـاك ضيعته
گلبــي اعله العشـگ . . مـا رهـم بـي مفتـاح..
مفتـاحك عليـه .. اشلـون رهمتـه ..؟؟
شعــرة الـبـالعقـل .. عتيتهـا امـن أسنيــن ..
... الـچـانت للعقـل .. ويـاك لازمتـه ..
معـذور الــيحبـك , ,لـو كفـر بهـواك ..
او لـو حبـك نبـي .. هــم چـان كفـرتـه ..!!
بلبـل عـــالغصـن ﮒلبـي .. وشمرتـه أحجـار ..
ومكسـور الجنــح .. للــالگــاع طيحتــه ..
خليتـه ابــقفص .. و اتعـرفـه يـاكـل تيـن ..
جــاع.. وخبـز يـابس . .گمـت وكلتـه ..
و اتعلـم عليـك . .و گـام مـن يطيـر ..
يـرجـع للـقفص . . ملهـوف علمتـه ..
ومـن عاشـرت ذيب . . وگـالك جـوعـان ..
وجبـت البلبـل المسكيـن قدمتــه ..
ورحـت اتصيـد ثانـي . . بكـل وكاحـة عيـن ..
والأول بالقفـص .. منصوبـة فاتحتـه ..
كفيـت العتب .. مـا عاتبـك عــالصـار ..
و شيفــيد النفخ . . بالنـار حـارگتـه ؟!
يـا حلـم الطفـولة . . الصـرخ بـذنـه الشــوگ..
عــاف اهـل الـوفه .. او صـدگك مـن صحته ..
حـب ربـاني أحبـك .. مكتـفي الغــايـات ..
وشيطـاني دعانـي . . ومـا رحـت شفتـه ..
يـا اول نهــر .. يحتــرك بــالتاريــخ ..
طلعـت ريحتـه .. ومـا يـوم چـذبتـه ..
وأنت أول ضميـر .. ابــنص مـزاد انبـاع ..
وأول حلـگ يـاكل لحـم خـاصرته ..
سامحتـك رغـم .. كـل الصفـات الــبيــك ..
يــا أول ( شمـر ) .. بــالكون سامحتــه

نصیحه

على اجروحك ... غفيت ابليل الهموم ... وتلگاك الصبح بالهم يوعيك

اذا راد الفرح ... يتسامر وياك ... يلم حزن الوكت ... كلة ويبجيـــك

تعلم بيك وكتك ... يزرع احـــزان ... وگبل وردك يحصدك ما يخليك

عماك وخلة عينك ... متر متشوف ... وتظم روحك ... اذا صاحب يلاگيك

يرد بيك التعب ... وافراشك الگاع ... ويگص بيك ... البرد محد يغطيك

على اجروحك ... مشت كل السجاجين ... تگص منك لحم واعظام ترميك

فقير ودمعتك ... مو مثل الدموع ... ولا من تبجي .... دمعاتك تسليك

الفقر مو عيب ...لكن يشده البال ... ويخلي الناس ... بأسمك ما تسميك

نعم ترتاح ... اذا تاجر وشبعااااااان ... ونعم يكتل... اذا جوعك يوازيك

غناة النفس ... اعظم من غنى المال ... وضل نفســـــــــــــك ابية
وكلشي يرضيــــــــــك

ماكو انسان ... يكتب رزق لأنسان .. اذا رب العرش ما راد ينطيك

ولو دنياك عگرب ... مالهة إعيون ... تكتلك وبذنب غيرك تداعيك

انصحك لا تطخ ... راسك للايام ... ولا ايدك تمدهة إشما قست بيك

اعوفک

اعوفك حتى تعرف معنى الفراگ ؛
مو عوفة كره،عوفة محبين؛
واكسرك حتى غصنك يقوى عالشوگ؛
مو بأول هبوب اتطيح بالطين؛
القساوه البيه مو من دافع الغيظ؛
اريد اتعرف قدري ابساعة اللين؛
اريد اشجار تينك تنحرس حيل؛
مو كلمن يجيك ايفرهد التين؛
اريدك تحتضني وتصبح اوياي؛
مثل دم المشه اببين الشرايين؛
ثلاثين العمر ناوشن لون الشيب؛
اريد اترد علي ريع الثلاثين؛
العطش لحظه ويعدي ابرشفة الماي؛
وآنه الماي وصلك عاطش اسنين؛
خجلت النهر من سیل الدموع ؛
مو دمعة حزن دمعة مجانين؛
لا تغتر علي زرعك زرع ديم؛
اذا مامن مطر مامن بساتين؛

الوکت

گــوة تـــــــريد وكــــتك ينـــعـدل ويــاك
و تــــــريد الشـــــماته بســــاع ينــسونك
لا حــــصلت هاي ولا ربحــــــت بذيــچ
من كلـــهم فـــــرغ وانــكســــر ماعونك
صغت روحك جمر ما حسـبت تــــنداس
... و حفاي العــــواذل و جـــو يمــشــــونك
ظميت النــــفس بالوحــــشــة والنــسـيان
و ابـــــد ما حســـبت فد يــوم يلــــگونك
لكــــن مــثل ظــلك رافـــــكــوك اسـنين
و انـــت تشوفهـــم و تـــچــذب اعـيونك
اخذ عبره و تعلم لا تــطــــــوف بـساع
و احذر من خــــيالك ممـكن يـخــــونك
شلــــت ربعك زمـــــن ما نزلتـهم يـوم
لكن غـــــافـــلوك وكطـــعوا متـــونــك
صرت سدت نوايب من لفاهم ظـــــيـم
و خذوا صافي الزلال و كدر يســگونك
و ظميت الجرح ما گلــــــت منه احــاه
بس بين عليك من انخـــطــــف لونـــك
واگف صح چنت بس تنزف و مطعون
و كلها تشمتت محــــد صـــرخ عونك

روح الله اویاک

تشد فرسان شوگك جتني تالي الليل
وأصير اعصار أسود حتى احددهن

گبل هدّن اسيوفك واكرمتهن ليك
واثر جلدي اعله سنهن جرب اسألهن
...
انا أجروحي الخذتهن سجلتهن زين
وجع بيهن يونن گمت أغني الهن

درب أظلم لگيتك تضوي گلي منين
وانا اشموعي لظلامك گتلك أشعلهن

تلف بيه المصايب جمع مدري شلون
گمت افرد واجيك وبيه تجمعهن

غلط كلك لگيتك انا اصحح بيك
عيوبك حيل وضحت ..لحگ استرهن

انا اذنوبك شعدهن لملمتهن عود
وحرت شترك شخلي اشلون اعددهن

عفتهن ماردت احچيلك اشسويت
أبچيّلك صخر لو ردت اعد منهن

انا بسورة غرامك جتني صحوة موت
واذا اجدامي أ تحّرك راح اكسرهن

رجف ترجف جيوشك عثر صدر الخيل
ضعف بيهن كشفته وگمت أفرزنهن

انتهت صفحة غرامك ما اريد الگاك
واذا اطيوفك تجيني بليل اشرّدهن

وعلى اسنينك الواني لهسه مطبوعات
زهيت اشكثر بيهن يمته تشكرهن...؟

اذن رئفه بشبابك راح اطفي النار
واسلمك للاله الياخذ بحگهن

مامجبور

ماجامل واكلك يالغبت ناسيك
واصلا بالمشاعر ليش اجامل الك
كابلت النهر بلكت عليه تعود
خطف لونه بصفنته وما خطف ظلك
وينك ماترد مو عرك وجه الماي
من كد مااجيبن شمع واشعلك
حبيتك كبل من شحوا الحبوك
ومن كثرت احبابك نستك خلك
تصعد للنجم مو بس ردتلك هاي
ردت اني النجم للكاع ينزلك
شح مايك علي وانت تعرفني شلون
لو اموتن عطش عطشان ماكلك
كل ماتستلم حصة منام العين
حصه من السهر لليل تعزلك
يل ماميزت بين الورد والشوك
مامجبور اجيبن ورد واشتللك
جفوف اللزمتك لازم تحلك يوم
هم ترجع والزمك وابد ماحلك
شديتك نذر خيط بضريح امام
ماعندي بخت يرجعلك يفلك

منی شترید

ذابحني بعشرتك مني شتريــد..؟

يــذابحني بعشرتك مني شتريد ؟؟؟

ولكــ مو وصل حدها وراح افضحك
...
وتعرفني من أسولف أنكَلب سيف

وأكَوم منين ما حاجيك أجرحكــ

انـــــا الخلصت كل عمري أقريك

صفر بدروسي تاخذ وآنه انجحك

غالي وداعت أمي وجيتك رخيص

أخاف تبيعنـــــــــي مفكر أربحك

انته الروح و انته جروح الجروح

وانته أسباب احزاني التفرحكـ

شكثر اتمنى أذمك من الاكَيك

ومن الكاك أكَعد بس أمدحك

انه الماسحك من دفتر الشوكَ

بس الكَلب ما يقبل يمسحكـ

واشيلك دمعة بلكي تطيحك العين

بيدية تطيح عيني وما أطيحكـــ

على جروحي تهد كلك سجاجين

وأكلك سوي بية شما يريحك

انته البيك ماصخ غزر وياي

بعد شيسوي فوكَ جروحي ملحك

يتيم ومن اشوفك أنكَلب عيد

وأشكَكَ دمعتي وكَدامك اضحك

تسألني احبك

تسألني احبك!والله عيب عليك♥
موتدري من اشوفك تضحك عيوني♥
ومن تبعد عليه ايامي وحشه تصير♥
والفرحه ابد ماتسكن سنوني♥
لاتسأل حبيي وانت تعرف زين♥
صدگني بسؤالك تكثر جنوني♥
حبيتك ترف والكَلب بيدك صار♥
بس هسه بكلامك خابت ضنوني♥
من يوم العرفتك واني مغرم بيك♥
صرت انت شرابي وانت ماعوني♥
والناس شكثر عنك حجولي الناس♥
وعن حبك اتوب وانسه رادوني♥
وانه بكل دقيقة تمر الك اشتاك♥
صرت اول حلم بس تغمض جفوني♥
تجرحني بسؤالك انت رايد ليش♥
وتضحك علي كل اليكرهوني♥

درس الوکت

علمنه الوكت نتباهه بالحال
وانضيف اليجي والما يجينه
مثل حفره الكلب ماتنكص تزيد
... والي منهه اخذ تكبر بعينه
كبرنه وماحسبنه اهدومنه ازغار
وعلى كد الردن كصينه ادينه
اشما مرنه الفرح ماجنه موجود
مثل طبع الرمش متشوفه عينه
اقصور الناس تبني بساعة العوز
وبنينه امالنه وطاحت علينه
صحنه وحسبناهم مايسمعون
وطلع جف الوكت يخنك حجينه
غركنه ابحر همنه ولمنه الاشراع
ونذب الصوج بيهم مدري بينه
خلينه الذنب بمعاكس الروج
وطلع سكران قبطان السفينه

يغنوة عشَك

 

ياغنوة عشَك حافظها جوه الروح
ياسيف وجرح بضلوعي من أيحد
يا أجمل حلم تاه واجاني أبليل
... حسبالي الصبح الكَاه من اكَعد
تعرف بيهّ شاعر وانتفض بالليل
وتعرف بالشعر هداته من أيهد
وتعرف بالعقل ما يرضى بالتقسيم
وإذا مرة انقسم..يعني الجنون أيرد
مرات اعتنيلك وانسه روحي وياك
ومرة الكَاها روحي وياك ضد..الضد
حمامة بيت انته واحنه ربيناك
ومن ريشك كبر..من عدنه كَمت أتصد
يمعـود تعـال ولا تــروح أبعيــــد
بلابـــل بيتنة بس بسمك أتغــــرد
طلع منيّ جنوني وكَمت اسولف بيك
مثل سكران روحي وكَامت أتعربد
مجنون اعترفلك..بس اكو مقياس؟؟
حبل امواصلك..رخيتة..وانته أتشد
يروح الروح انته..ويانبض شريان
عـداد الكَلــب بسمك تــراه أيعــد
اسولف وية ضلي..لأن شفتك بيه
وانتـــه لاتجيني..لــوعليّ تنشــد؟؟
كَلي شلون كَلي؟؟ كَلي..كَلي اشلون؟؟
تبقه انته الغني!! وانيّ الفقير أيكَد؟؟
وتبقه انته الأمير!! وانيّ خادم دوم
وتبقه انته السياسي!! وانيّ ند..الند ؟؟
تدري النار بيهّ واحترَك بسكوت
يالمايك ضحل...كَلي أشوكت تركَد؟؟

جور البعد

لو تدري البعد شيسوي وسط الروح
لو تدري الفراگ بحالتي شسوه

مثل طفله يتيمه ومن اجاهه العيد
ظلت عينهه على الباب تتلوه

جروح البيهه زادت شگگت بالثوب
بس الله اليداوي واهل المروه

لو تدري البعد خلف جروح ازغار
كبرن بالبعد واتزوجن قسوه

حفل بعدك ضخم وتوزعن دعوات
عازم شكو شامت..يسوى ما يسوى!!

امنتك عليه وخنت ودي شبيك؟؟
صافن بس عليك وماي من جوه

انطيتك عمر بهمومه والافراح
والاشعار كلهه ترخصت..فدوه

ياتربة غدر ودموع عيني الماي
تشربهم بساع وابد ما تروه

لو ندري العشگ يلعب لعب بالروح
ما حبينه شخصك لا ولا نهوى

من يا صخر گلبك انته اي مخلوق؟؟
وبداخلك گلي شيضم وشيحوى؟؟

ما اگلك اناني لا ولاغدار
اگلك انته انته وقدر شتسوه

ما اخاطب ضميرك ادري بيه مدفون
واليخاطب الميت ينتظر صحوه؟؟!

ما ابچي على حالي اني ابچي عليك
اخاف عليك منك لاحتك عدوى

حبيتك نعم اعترف اني ابهاي
مااگدر اكرهك هيه مو گوه

بس حبيت اسلم واسال على الحال
عساك بخير وتنال الذي تهوى ...

عتاب مع الام

صباح الخير يمــــــــه وداعتـچ مشتــــاق
وجيتـچ للـﮕـبـــر بلكــــــــــن تحاجينـــي

اعرفـﭻ دافيـــــه وكلماتـــــــــﭻ الحلـــواة
معقوله اسولـــــف مـــــــــــا تسمعينـــي

يايمه وداعتـﭻ مــاضل بعـــد بي حيــــل
وفــراﮔـﭻ ظهدني وهــــــــدهد سنينـــي

صباحـﭻ عافيـــه ﮔــوميلي فكي البــــاب
متاخـــره عليـﭻ هواي عــــــــــذرينــــي

مشغــوله بجهالي وصدﮔـي روحي وياﭺ
وتحلـــم بحظنــــــــــــﭻ لوغفـــــت عيني

مرت مــــــــده وانــي ودعاتـﭻ ولهـــــان
ولـــــــو شوفــت ترابـﭻ يمه تكفيـــــــني

ياطيبت نفـــــس يالريحتـــــــــﭻ نعنـــــاع
ولــــــﭻ يمــــــه وعلي مشتاقه تــــدريني

ﮔـــوميلي ييمـــه جايـتــــــــــﭻ خطــــــــار
وشكيلــــــــﭻ عذابـــــــي وغربــت سنيني

البت اتروح لمها لـــــــو ولاهـــــــــا الظيم
شبيـﭻ بزغـــــــر سني وليش عفتــــــيني

ياأم الطيب يمه المـــــــرض ماكضـــــــاﭺ
شلون تــــــراب كظـــــــــــــﭻ ماتحاجيني

يمه بياوكـــــــت سديتـــــي هيــــــﭻ الباب
مامرجيه منـــــــــــﭻ هيــــــــــــﭻ عفتيني

من يـــــــوم الدفنتـــــــــــــﭻ مالفاني الخير
ياأم الخير يمـــــــــــــــه ويــــــاﭺ دخذيني

اهداء

اهداء

بنفس الجرح وبنفس الاحزان

ولگيت اجروح بية اتوسدت بيك

انه امطشر عمر والگلب حيران

تعال الحگ علية ولمني بيديك

شفت البيك بية عالورق بان

ولگيت حروف تشكي ولي تبچيك

تعال التم علي طشرني الظيم

وانا مطشر لگيتك جاي الم بيك

وموسهلة العمر نگظيه لچمات

وداريني بحنينك وآني اداريك

هم مثلي تحبني آني اهواك

وچن انت الامل كل عمري اتانيك

يبو همس العذب ماتفهمك ناس

ومن غيري يعرفك من يحس بيك

واذا باعك بشر وبوحدة خلاك

انا بروحي اجيت وكلك اشريك

دليتك علي بالك تتيه النوب

وموكل مرة اگدر آني ادليك

وراويتك حنيني بگلب شفاف

وموكل مرة اگدر بيهه اراويك

شفت عطشان شوگك وآنة الك جاي

وصغت گلبي چفوف وجيت ارويك

هذا انی

انه اهموم الفقير الروحي صارن هم
وانه گلب الفطير الخالي من كل سم

وانه الماشي عدل من الزغر لليوم

والرافگني يربح لاتظن يندم

انه بيوم العسر اصبر واگول اتهون

وانه بيوم اليسر للغير اظل اهتم

اشكثر مرت شدايد ما نخيت انسان

واغافل دمع عيني بسكته واتبسم

يهضمني الزعل لو دخل بين اثنين

واتمنه التكاتف والشمل يلتم

واذا واحد نخاني ابنيهه خوه اوياه

ولا تگدر ظروفي بخوتي اتهدم

ودي اظلم عدوي وهذا اتمناه

بس صحوه ضميري اتگلي لاتظلم

واتچي الكل ضعيف وما اعوفه ايطيح

وافزع للغريب وموش خال او عم


گرصتني الحياة وما حسبت احساب

ملچوم ابصحبتي وماعرفت الچم

وادعي انه الفرح للي دعالي الظيم

واحمد بالصديق وادري بيه ايذم

وادري الناس صارت بالوجوه اخوان

لاچنها بگفاك اتصير ابن ملجم

علي الگال اوگلت خل تحچي بيه الناس

ابو الحسنين منهم ماگدر يسلم

ماريدك

اذا تلوح النجم اكَرب الك يهواي
وكَلبي لا تجيله وتوصل الحدة !!
يالجفك ذبح كَلبي ودفنته أبليل!
تريد بكل جسارة الميت اتكَعدة؟؟
لا تفتح جرح بالكَوة خيطناه !
لو ينزف بعد متكَلي شيظمدة؟؟
لو حسبت جرح صدكَني هم تهون!
جم طعنة غدر بحشاي متوسدة؟؟
الشاعر من تجرحه ابياتة ينزفها!
جرح منك نزف ديوان وتعده!!
ضنيتك مطر واترجة منك فيض!
ما ادري برصاص أغيومك أمرعدة!!
لجلك حاربت أهلي وجميع الناس!
وسيفك للأسف بضلوعي وتحده!!
بابك منفتح للرايح وللجاي!
وانته بكل صلافة بوجهي وتسده!!
يالحبك رمل ودموعي ضاعن بيه!
وبحرك من جمر نيرانه مشتدة؟؟
لتحاول تجي انته البديت بهاي!!
ماي الينجفي متكَلي شيردة؟؟
ماريدك بعد خلي الكَلب يرتاح..
مليت العشَك والروحة والردة!!
مليت العشَك والروحة والردة!!

حلم حیاتی

دخيل الله اشبعد؟ خلّصن سبع سنين

تاريخ النفاذ لغيبتك قد تم

سنابل يابسات وخلصن الحبّات

ومخازن جفن عيني فرغت امن الدم

نسيت اسمك والک لو ادري ما حلمان

تعال امطر ..بعد والكعبة ما أحلم

لو ادري الحلم تفسيره راح اتغيب

چا ما نمت ساعة ولا جفن سلهم

ولك صبري انصلب وابراسة ياكل طير

وعصرة خمر روحي انعصرت امن الهم

وگحط طگهن جروحي ابعرض گحط النيل

بحبال ومرادي اخياط ماتلتم

وشيلمهن افراحي المثل صفط اوراق؟

وعواصف حزن جتهن شايلات اخيم

سمان احلامي چانت سارحة ابطرواك

وعجاف اسنين هجرك بالسمن تلهم

تل هم صار خدي وگعدن الحسبات

عالتل بنتظارك شيبهن خضرم

تعال امسح جمر بعيون مبيضّات

لدّور دمع ماضل دمع يفهم

واصفن عالدرب كل صفنة عمر آمون

وصفنة اتگل لختهة البينا ياهي اقدم؟!

ودزلك نسر گلبي وبلكي يلچح غيم

يتعدة الشمس وايعود لي امفحم

واحط حفنة اشواگي ابحلگ رحّى اتدور

يصهرنها صهر واحجار تتهشم

مگص هجران شخصك وآنا گلبي قماش

وچف جاهل زماني ابگلبي يتعلم

نخلة امن العطش يبّست صارسنين

واتحلّم يجي ويهزني چف مريم

وافز امن الحلم والگاها طبرة فاس!

اذا متعود هسة المغرب اتچيّم

صورة ارسمت روحي ابمملكة احزان

ما اشرح واعيد الصورة تتكلم

انته

من نشدتك گتلي مشغول ونسيت؟
عميه عيني وچنت اباوع بس سراب
انته ما توگف عدل هم تدري ليش؟
چي اساسك ماي والحايط تراب؟؟؟
أنته مو أصلي وچذب جلد العليك ؟
ادري حيه انته وتنزعه ويه الكراب!
انته قاموسك طلع ما بي حروف؟؟
ويا غشيم الگالك طبعك كتاب
انته باب بلا قفل والكل تفوت؟؟؟
وهسه جاي تگول گلبي بلايه باب!
انته مو جنه وصدك انته الجحيم؟
لان صعبه الجنه ترهم وي عذاب

غدار

لا تدفن چذب نتكاشف انه وياك

من صارت صدگ شو خانك التعبير

موانه الگلت؟ بيرك حچه المدفون

لان سديت حلگي وعفت حلگ البير

مسابگ وي زماني وحسبت مستور

ولاويت الوكت وبچفي كام ايدير

موش من النطاره تعاجزت والله

هذا البيت خالي ومنهو راح يغير

واطنت الهظيمه وصادگيت العوز

وعصفور الاكو من بين اديه يطير

ما غزر ملح يا ناكر المعروف

فديت عيون الك چا مالهن تقدير

من جاسك عطش بدموعي گلت ارويك

وفوگ خدودي اجيت ونصبتلك زير

ماي عيوني وشله وخابط من الظيم

شب حطيت بيهن حته صافي يصير

شعلت العشره الك من تيهت بالليل

وگلت هسه يجيني وما اظنه يحير

والهسه بطت وتلوج بيه النار

تگرض وصله مني وبالفچوچ اتدير

اوميت وصحت ها. حيهم .الطيبين

تعال اهنا يبيتي وبسك التأخير

وانته بكل وكاحه عليه من مريت

عينك حيل صلفه وصدت عله الغير

رحت وعيوني شبحت لاچن بلا شوف

وملت مني ناسي وما لگت تفسير

گاعك حيل صبخه وارض گلبك بور

طشيتك فرح بس ما حصدت الخير

اسمع ارد اخبرک

طيح دمع هجرك كحله الباب

وشلع ضحكاتها من گاع السنون

نحب غيرك نوينه ونرجع انگول

بيا ماي ايتبدل ماي العيون

نحب جرف النهر جي بي طبع بيك

حصره اضل اله بگلب اليغركون

وينك ما بقن بلساني چلمات

ورد بيهه عن العنك ينشدون

وينك مو ذبل بچفوف الايام

عمري وهملته اچفوف اليحصدون

اشكثر مرو شفتهم ما يشبهوك

وحتى الماشفتهم ما يشبهون

ششكيلك علي ما دمعت عين

وانه امعلم اليتامه اشلون يبچون

سفينه وما نصح وياي الشراع

وجليله مستحه اچفوف اليجدفون

اقنعمن يعوفك خاطر انساك

عيني اشلون تغفه ابيت مسكون

تشگگ ثوب اصبعي ابعظ السنون

وثكل حيل الندم واحتاجله امتون

طبع بيها الذيابه اتهاب الجروح

تلوم الما تطيب اجروحه اشلون

اشوف ونبت عودي بگاع عميان

صبح ينداس طرفي وانه ممنون

صرت مثل التعنه بجدمه للنار

حل ما ينچوي الوادم يصيحون

الزرعو ما لگوني ابين الوجوه

ولا منجل طلعلي وي اليحصدون

وانه اليم الشمس ما غمضت يوم

رغم من ثلج عيني امفتحه الجفون

على اعيون الصبح كحله اني ما صير

دمع وخربت شغل اليكحلون

من دونك أموت

من دونك أموت أذكرني لاتنســــه


تعال الزعل كله يخلص بلمســـــه

أحبك وأعترف بس أنته كل دنيــاي

ومن عندك أذوب وأنتهي بهمســـه

سفينه بنص بحر تعبني حيل الموج

أغرگ لوغبت يالجيــتك مرســــــــه

جذاب اليكَلك غيري حبـــك مـــوت

أحبك من گبل صدگني موهســـه

وتعبت أهواي لجلك موتعب يومين

صعب درب الهوى ماينفهم درســه

من تـــروح سالـــم من ترد أفــــداك

وأذا تنســــه محـبتي انه ماأنســـه

دارمی2012--2012

هاكثر ربك حاط عندك حلاوه ****وي يوسف ابميزان حسنك تساوه

 

ورقه وكلتني الناربس باقي مطروح***امتاني بس الــــريح تاخذني وتروح
*******
ودعت عمري وياه من ودعيته**مودمع من الــــــعين دم البچيته
*******
ون وسألته شبيك ياگلـــبي ونيت**گال العزيز الروح هالليله حنيت

ماتشكي روحي الضيم بس تشكي فرگاك**گلبي اليسولف بيك مايرضـى ينســــاك

********

طبع المحب لو ضاج لاحبابه يشتاگ
ومايغث هاي الروح بس نار فرگاك
******
غالي وصعب فرگاك وغيابك هموم
وعيوني اذا تنســـــاك اعميهه للدوم
******
كل ساعة گلبي يضيع واتغذب وياه
واتعب وادورعليه ويم گلبك الگـــاه

 

هوسات

انا الشیعی الموالی ونخوتی الکرار یاهو الیگرب السیفی
اذا ازعل واطب للکــــــون کیـــــفی والعب ابکیــــــــــفی
النواصب کلـــــها والعرعور وبن جبریــــــــــن واعریفی
... ماتسوه انعال المشایة
----------
بختکم بالمراجع چا عرفنه اشلون یا غربان
علیکم مانهد موعیب!! بس انفزع الرضعان
ماحشم هلی الصوبیــــــن بس اطفال عبادان
لوهدت یاهو ایلاگیهه
-----------
بختکم بالمراجع چا عرفنه اشلون والزهره
علیکم مانهد صوبین لا خیال لا شگـــــــره
ماحشم هلی الکلفیـــن بس اطفال المحمرة
کل مفتی اسعودی ایسحگونه
----------
هم یوصل وکتها بیوم دم الشیعی هم ایفــور
یجیکم شبل ابوالحملات وبچفه العلم منشور
النوب اهل الفتـاوی النــــوب والعـــــــرعور
یم حسنی امبارک تلگاها

مسجات 2012 - رسائل 2012

حرت شحجي واسمعنك *حرت شكتب شعر منك*** حرت وعيوني يردنك ***خايب والله احبنك

********************************************
بوسـه واشـدها بخيـط واگطفهه يمكم **ويـن الله والعباس يلكفـها خدكم

****************************************

احنه وياك عشنه ايام حلوات
رغم حبك ثلج بس احتركنه
وبعد منعاتبك ظل سوي شتريد
نعرفك ملتهي ومالك خلكنه

******************************

الوفائك جاي اقدملك شكر خاص
يغالي وبالك تعاشر شكو رخاص
ربك من خلق ذبلك شكر خاص
وانة كومة ملح كوم عليــــــــــــة

***************************

الله يساعد اهلك طول النهار
اني بس نظرات احس ذايب متت
انت لو مريت يم اعمى بطريق
جان صاح بصوت ابشركم شفت

********************************

امـس يم باب بيتك طاحت العـــــين شيل العين بس حافظ عليها مو قصدي اخاف العين تنداس قصدي صورتك جي انتة بيهة

************************

على الحيطان أرسمك وأحجي وياك
وأحاجيك بزعل وأرجع اراضيك.. وأغار على الرسم لو شافته الناس واشيل أرموش عيني وبيها اغطيك

*****************************

يم غيري اذا مرتاح ظل لاتمرلي
مادامك انت بخير خليني اولي

*******************

علمني ساعة انساك والباقي سهلة.. روحي بمحبتك بيت ما ينسى اهلة

******************************

تاية وادور عليك وين اكدر الكاك
هو اللة يخسر شي لو يمي خلاك

***************************

اتمنى اصير عيون وابجي اعلى خدك
حتى انت تعرف زين شكد اني احبك

*******************

ابنص الكلب ولروح حبك زرعته
هم تظن اني انساك جاوبني انته

************************

علي تمطر مصايب من سحبكم
منو مني اخذكم من سحبـــكم
لو عذبني حبكم منسى حبكم
لان ماكو اعز منكم علية

*****************

خط ياقلم واكتب احروف رسالة
واكتب باول سطر حبيبي شلون حالة
وبثاني سطر اغار عليك والغيرة كتالة
وبثالث سطر احبك احبك واليحبك الف هنيالة

*******************

اضل محتار من ترسل شردلك
وكلبي من البعد فر وشردلك
ردلي وشوف يمعود شردلك
اردلك روحي وهدوم العلية

******************

كل يوم اكول اليوم هلبت يجيني *** ياناس اريد هواي مشتاكه عيني

*************************

متعاجز امن الموت والموت اجاني *** موكتلي اموت اعليك؟ موت ابمكاني

********************

صاحي بحلم نعسان مالحضة ناسيك
وحتى الحلم من نام نام وحلم بيك

**************

عيوني واشوفن بيك يلتسوى العيون
لا والله ما انساك لو ينتهي الكون

**************

غربه وهجر وفراكككك الوكت طبعه بس الوفي للموت ماينسه ربعه

**************************

اخر حلم

يا اخر حلم ميت بالعيون
يا اخر حرف بكتاب الجروح
يا باب وشلعتك خاطر ارتاح
... ولا افكر بعد مسدود مفتوح
... جنت عنگود ما لاحتني الكبار
وزغير ودنگتلك خاطر تلوح
گبل ما جايني وتخايلك جاي
هسه شگد تجي بس جنك اتروح
اريدك من اگول اتگلي ما ريد
وماريدك اگلك تبجي وتنوح
اصير انه سطح تنزل على الگاع
ارد للگاع تصعد فوگ السطوح
اجر بيك وتجرني لياوكت هاي
ومن هاي وبعد خل كلمن ايروح
اجرها وتنگطع وتولي وتموت
ولا تبقه اعلى شعره معلگه الروح

مامرتاح

......مامرتاح .......
 عيوني تستحي بس الدموع اوكاح
 ..............مامرتاح ...........
 منك .. مني ..من الجاي ..من الراح
 .. مارتاح ..
 عركه وي الزمن ورجعنه مكسورين
 وبعيده المسافه وينسي الطاح
 مامرتاح
 لان شفت الشمس ...نزلت تبوس الگاع
 وبچف الطفل تنلاح
 ولان قاضي البلابل ...مدد التوقيف
 ومفتوحه السما
 والفيل عند اجناح
 مامرتاح ..................
 لان قفل المحبه انباگ
 وترهم عليه مفتاح
 مامرتاح .........................
 متروك بجزيره وتهيت بليل
 واجو ربعي عليه ...بقافله اشباح
 وانته اشبيك
 لمن دافعت عن نفسي صابك غيض
 موحتى الگنافذ من تحس بالخوف
 تستخدم جلدها السلاح
 ولاچن الفجر مثل الفجر محبوب
 لون الفجر صاير ... يقبض الارواح