تعال ارجــــع

ابشــــرك يالـــــرحت فـــرحو الشمات
بحيث امــــن الفـــرح رگصت الحيطان
چـــان اســـــود لـــبسهم وانته وياي
هسة مــــــــن رحت لبسو الالــــوان
صــارت كـــلهه ضــــدي لـمن امشيت
حته الچان اخـــرس صارلــــه السان
... تعال ارجــــع وشوف شصار بلحــــال
صفيت اعظام بس بهيكــــل انسـان
صــــاحبت بغيابك انـــــي مــــوناس
الحـــزن صاحبتة اني وصـرنه خــوان
تدري ابدون حبك عــــايش اشلــون
مثل اعمـــــة وتـــگـود بايدة عميــان
ومثل حــــــال اليتيم العايش اوحيـد
عشت بدونك انة العمـــــر حرمــــان
من اشوف اثنين تدري بية شيصير
من اعيوني احس يطلع الدخـــــان

ناذرلك نذر

على لساني السوالف كلش اگصار
بعدك والخلگ گد فتحة العين
مغرب عفت بيه وصفنة اگبور
وعلى عتبة صفنتي انذبحت اسنين
ناذرلك نذر بخبال لو جيت
ابوسن كل شبر بيه چنه ماشين

إنجرح گلبي

إنجرح گلبي بعد شتفيد الأعذار
دمعك ما يرجّع ذيچ السنين
دفنته بروحي حبك والكره الصار
ابكثر ما تكره الجنه الشياطين

اشگد بچيت

تدري اشگد بچيت ابيوم فرگاك

ماضل شي ابعيني وما بچيته

كلها الناس گامت تبچي وياي

وعلى حالي الگمر طول لحيته

عزرائيل اجاني ودمع العين

 نسخة انطاني من مفتاح بيته

گال ارجع وخلي ايصير اليصير

اذا سألوني اگلهم ما لگيته

بعیونی اسولف

انا البعيوني أسولف وأفهم الناس

ما يحتاج تشرحلــــي ظروفــــــــك

عفتنه ومن عفتنـــة مانسينـــــاك
... ... ... ... ... ... ... ...
وچفنه المارضه يفارگ چفــوفـــــك

وأذا تطلب عيونــي وداعتك هـــاك

عمـــت عيـن العـيون الماتشـوفك

الأظفـــر دم يــــذب لـو فــارگ الأيد

اشلـــون بــلا دموع تريــــد أعوفــك

مامحتـــــــاج

اشـــــــو محــــــد اجـــــــاني ودگ علـــيه الـــباب
ولا كلــــــــمة اشــلونك جـــتني من يمهـــم
اشـــــــلون الگـــعده تكــمل وانه ماموجـــــود
معـــــقوله الاحبهم صــــــــرت ماهمهم
يادنيـــــا نـــــــسوني ونســو ذاك الطيـــــب
... ولا چنــــــــــي هذاك الچــان يحضنـــهم
لو بزاد اغــــــصن والله اعـــوف الزاد
اگولن اعیالی يمـــكن لگمــه ماعــــدهم
يادنــــيا الاحـــــبهم بيه گــــــطعو ليش
وانه الماعندي كــــــروه وچنت اواصلهم
طــــــحت محـــد اجاني وگـــــالي شمحتاج
مامحتـــــــاج شي** بس مـــــــحتاجه عيـــــني اتشوف لمتهــم

صدگ

صدگ غمظت عينك من اجاك الليل
ونمت براحتك محد تراوالك

وانته من العشگ مابقي عندك بال
معقوله التحبه يروح من بالك

لا تصدگ تركتك وانه اسولف بيك
ولساني عثر من گام صامالك

يموال الحزن والحسن من فراگاک
اسمعه الحرمله يبچي على موالك

ياهو الكفر بيه وگالك ناسيك
ليش انه احبك خايب اشمالك

مايرضالك الله على الجنيته وياي
ولربك هبل ماشوف يرضالك

يل عيالك اعيوني وانه اهمن بيك
كل الردته منك ترحم عيالك

الـــــف هنيـــــــــاله الگـــــــعد فدلحظه يـــــــــــمك

كون يمك .......كون يمك ....... كون يمك

...كون يمك....الــف هــــنياله الگعد بس لحـــظة يـــمك

كون يمك ...كون احضنك كون ابوسك كون اشـــــمك

كون احــــط راســــــي اعله صـــــدرك كون اضــــــمك

الله لا ينطيه كلمن راد يحرمك كــــــــــون يـــــــــــــمك

كون يمك ...اني احبك واني احب كل حرف بســـمك

واني احس يجرن سوى دمــــــي اويـــــــــــــه دمــــــــك

انـــــي التمـــــــنيت ابوســـــــك واني التمنيت اشــــــــمك

واني التمنيــت احط خدى اعـــــــــــــــــله خـــــــــــــــدك

بلكي خـــــــــــــدي ايزيــــــــــــــج هــــــــــــــــــــــــمك

كـــــــــــون يـــــــــمك

اليــــــــــوم گلبي البابكم باليـــــل اخذني واسمع اهلك كلها ملتمــــــين يــــــــمك

ابطارف الساني ولا أكدر اصــــــــيحك واهلك ابراحتهم ايصيـــــــحون بســـــمك

بيني ما بينك مسافة اشـــگد زغيـــــره وجسمي بالشارع حبيبي وروحي يــــمك

من يگلك ...من يعلمك

والله لو تعرف بحالي گلبك اعله الباب يركض گبل جدمك

كـــون .....يـــــمك

أذكر ايـــــــــــــــــــــــام اسالــــــــتني منـــــــــو ايحــــــــب محبوبه اكـــــثر

ومن اگــــــــــــــــــلك اني اكـــــــــــــثر تنقــــــهر ويفــــــــور دمــــــــــــــــــك

وأذكـــــر ايام اعله بابي جيتني امحـــــــــمل همـــــــوم

ومــــــن شفــــتني اتبســــــــــــــمت وانــــزاح هــــــمك

وهسه جيتك ...هسه جيتك من همومي ادخيل يـــــــمك

اليوم روحي اتعـــــــاندت وياي وتريــدك حبـيـــــــــبـــــي

ابياطريق اوصــــــــــــل الك وشـــــــلـــــون افـــــــهمك

واليمته يالغالي تظل من ايدي تتطـــــــشر والــــــــــــــمك

كون يمك .......كون يمك ....... كون يمك

الـــــف هنيـــــــــاله الگـــــــعد فدلحظه يـــــــــــمك

میلاد فاطمه الزهرا علیها السلام

بسمچ فاطمة نبديها بسم الله ؛يا آية الكوثر يشهد القرآن

يا أم النبي ويا أم حسن وحسين ؛ ويا أم زينب انتي وموش ياهو الچان

أنتي أبمولدچ شع الفرح باالكون؛صرتي أنتي الأميرة وتاج عالنسوان

كل عام والأمة الأسلامية باالف ألف خير بمناسبه ولادة سيدة نساء العالمين فاطمة الزهراء عليها السلام