لوتريد اتشوف دين الله الصحيح
دقق وعاين على المشايه
تلگه متساوي الغني ويه الفقير
بدوي كردي وعربي وابن ولايه
ابد ماتميزچبير امنّْ الصغير
على فد غترهه ونطاق ورايه
والنساء امگبعات ومن تنوح
الصخر يبچي ابونت الملايه
جيوش تتله جيوش تمشي بلا سلاح
امحزمه بايمانه امغطايه
على الچفوف الروح حطته وتزور
يشترون الموت والله اشرايه
اجت زوار الضريحك ياحسين
اتحدت الارهاب الك عنايه
هدف واحد والطريق لكربلاء
اتصيح يامظلوم انته الغايه
انته غايتنه فلاغايه سواك
ابدمانمتنع هاي حچايه
بصوت واحد كلّهَ صاحت ياحُسين
ارواحنه فدوه الك مولايه
اسراب سوده من لبس ثوب السواد
امهدله امطينه أمّدمايّه
تنحب وتبچي وتواسي ابن البتول
على فد لطمه بصدرشچايه
وقسم خادم واگف بنص الطريق
طابخ وحّمامه محّتر مايه
يصيح فدوه اتعشوناموا اتفظلوا
وين اودي الاكل عندي هوايه
وقسم نامت مطمئنه بكل امان
بالجزيره بوسط ذيچ الثايه
موجزيره اصبحت لاوالله العظيم
بقعه من الجنه صارت هايه