حرفنلهه

السوالف كون تملك .... حرفنلهه
وعبد يم شيخ بالك .... حرفنلهه
تره الچلمه الثجيله .... حرفنلهه
يهز راسك مثل چيلة منيه

بشواي

عله كيفك يوكتي اوياي بشواي
صرت سمچه وصديجي احتار بشواي
يگطع گام بيه اشواي بشواي
ونخه شامت يلم حطبات ليه

جرح الحبیب

مو بل گوة بومه اتصير طاووس
ولا خير شرط من كظلة سبحة
الليل اسود نعم بس يكتم اسرار
عكس وجة الصبح سرك يفضحة
خذيت ادروس منك خلصت اجيال
بس جيب الوكح درسك يشرحة
اليحب من چف حبيبة يريد تذكار
مو يتلاوة حتى يشيل رمحة
اليحب يحچي بحبيبة وي اليحبون
وتعاين عل ملامح تلگة فرحة
وانا اظطر لان تسمعني شمات
أعاين عل جرح ينزف وامسحة