ابیات ابوذیه


انه بقصة مــصــايب مشتهر گص
وسيف الوكت ضدی مشتهر گص
مليت المصـــــايب مشتهی أرگص...
رگصت وثاری رگصت موت بيه
ـــــــــــــــــــــــــــــــ

دف ربعی عله ونتــی مشتهی ألطم
وأنهَ ميـــــت وتـــانی مشتهی ألطم
چذب ما مشتهی أرگص مشتهی ألطم
عله حلوگ الحچت باطل عليه
ـــــــــــــــــــــــــ

يروحی اللـــطم جـــيد مشتهد بيچ
وعـله دگت رگصـــتج مشته دبيچ
عله گلوب الحـجولج مشتهی ادبچ
لمـــــن يتوسل الشريان بيه
ــــــــــــــــــــــ

تهل تـــريد گلـــــــي وشتهل بس ؟
حزن والنــوح أيـس وشتهيل بس
حچی الباطل لبــسته وشتهيل بس
أنزعة وللــــــبس يحتاج أليه
ــــــــــــــــــ كاظم هويدي العادلي

آنه أطرب عله الون مشتهی نواع
دخت والدنيه وگفـت مشتهی نواع
عله الظيم اللـــــفانی مشتهی نواع
لطم وی رگص وی هوسات بيه
ـــــــــــــــــــــــــ

عيونك هجـــر رادن مشتهن حب
وأنه عاشگ بطبعی ومشتهين حب
عفتنی وگد حنـــينی مشتهين حب
نحيب الفــــــاجده بوكت المسيه
ــــــــــــــــــــــ

يروحی كافــــی أحبن مشتهی نحب
وكض دمعــــات عينی مشتهی حب
چذب ما مشتهی افرح مشتهی نحب
لحد ما كلــــــــــشی راح أيرد أليه
ــــــــــــــــــــــــــــــ

انه گلبي بغيــــــابـك مشتهی رداح
شبه طير التســــــمه وشتهی رداح
عله روس التضدنی مشتهی رداح
ردح زافـــوف بی رس كـــاوليه
ــــــــــــــــــــــــ

مـا صـــدگ حبيـــــبی مشتهی بچای
وأنه المامشتهی ابجی مشتهی بچای
أريد أشــــــــويه منـه مشتهي بچای
اشربه وينــــــــعرف مگــدار بيه
ـــــــــــــــــــــــــــ