اول عشگ
*****
اريد اذبح عشگ ما وفه اوياي
اشوف اشلون گلبه ايطاوع اجروح
اريد انسه الجرح من الگه وفاي

ما اريد الگلب بالعشگ مذبوح
اريد امسح عمر وتنطر الجاي
لان كل عمري انته اومنك النوح
يا اول عشگ يعزفلك الناي
صبح تحت الجبل عشگ اسفوح
ياجرح النزف من عندك هواي
ماعندي صبر واتحمل اجروح
اروح اشلون من عندچ يدنياي
وحس العشگ بجروحي من ايفوح
مو كلمن يحب تلگاه وفاي
ولا كل باب دگته ابطيب مفتوح
انه عيني نهر وترشرش الماي
ماتكتم دمعهه ابكل وكت مفضوح
لا تخفي الجرح وتروح عناي
احس عينك بالجروح اتبوح
اذا عشره انتهت من اختلف راي
خل ابگلبي تحرگ خاطر اتروح