بابك امس مريت

من بابك امس مريت بسكوت.
خاف احچي وافزز ذيچ الايام.
ماموجود اعرفك بس امر بيك.
على دروبك تراهة تخف الاجدام.
... حلم فرگاك ليش اتحقق ابساع.

وحلم بي نلتقي مامر بلحلام.
صفنت اباب بيتك صفنة اموات.
صفنة شگد سوالف بيهة الك ضام.
من گد مادعيت ابابك اسنين.
تخيلتني الخلگ گمت اعبد اصنام.
... تعال اقبل ترة لوخاين تعود.
ومن اتعود اگولن خان الاوهام.
اريد اكشخ ضحك ثوب الدمع باد.
شرط ضحك الطفولة الابيض الخام.
انوم روحي تصرخ خايب شبيك.
دنوم ذكرياتك خاطر انام