ولادة امير المؤمنين

ديــر وجــهــك للــنــجــف مــن تــبــتــلــي
وصــيــح غـيــرك تــدري مــا عـنـدي ولــي
يــــوصــل مـــرادك ويــنـــطــيك الـــجـــواب
مـن تــصـلـي عـلـى الــنــبــي وتــذكــر عــلــي


نهنئكم بذكرى ولادة امير المؤمنين وسيد الوصين سيدي ومولاي
الامام علي ابن ابي طالب (عليه السلام )

 

 

الحزن

على حزني بنيت افراح للناس

وعليت الفرح وصلته الغيوم

ورادوني ابيعك واكسر السوگ

ما يدرون عشنه بنفس الهدوم

جوارح عندي تضحك عاليگولون

باول سعر بيع واترك السوم

اذا ابيعك عجيب شينفع الناس

ماعدهم ضمير وبيهم يلوم

انت بوسط روحي وچنك بعيد

عشت وياك بس بحساس محروم

ابيع الدنيا كلها بسعر التراب

واضفرك ما ابدله بكل النجوم

اسولف وي صوركم

اسولف وي صوركم لمن اشتاگ
واتخيل واگول اوياي يحچون
وارد بهمس واحچي ويه الحياطين
يمته من الصور كلهم يطلعون

دارمیات حب

تدري ابغلات العين هيه وجفنها

اچتافي للعباس انته اغله منها

--------------

كلما تدوس الگاع ينطبك رمشي

معناها موعلگاع بعيوني تمشي

الصــفــنـــه والليل

عليه ابليس خـــايـــب گلبه مــكــسـور
انــه أمــگظـــي حــيــاتي آهـات باهات ...
لذلك مــــاخــفــت تــتــركــتــنــي واتروح
وعلي محسب احساب الهيچ ساعات ...
الجــگايــــر والسهر والصــفــنـــه والليل
يــتــانــن جــرح مــنـــك مــســتــعــدات

وحشة يتيم

المن سلمتني وبيه وصيت !!!
والمن فاركَتني ؟؟ والمن أمشيت

عفتني بحال بعدك صعبة ينكَال
مثل وحشة يتيم أبوحدة بالبيت
... ...
چذب كلمن اجاك وكَـــالك نام
ولا ليل ابغيابك بيه تهنيت ..

على صفنة غيابك باقي عودان
تحسبني عدّل .. بس بخلكَـ ميْت

تغير كلشي بعدك حته الوجوه !!!
بس اني ( ومحبتك ) نفسي ضليت

تفز بيه المحنه أطفال بالليل !!!!!
وتون عكس الطبع لو بيها لوليت

لان جرحك عزيز وينذكر بيك
ملح عمده على جرحي بچفي رشيت

يا..... ملحت حياتي وطعم السنين ؟؟
شكَـد ماصخ عفتني بيوم جافيت


بعدهي احلامي چانت كلش ازغار
بجفاك شكَــد يتامه احلام خليت

مثل جناز رد بطركَــ تابوت !
هيج انه بعشرتك خالي رديت

ورقه حیاتی

سلمتـك قـلب مــابي حــرف مكتــوب
مثل ورقه رســم وانت اكتب بكيفــك
يل مشــخبط حيــاتي الله لاينطيـــك
قلمــك ماكتـب بس الكتب سيــفـك

سهران

انطرح بس ما انام مثل الينامون
مو صم ملح صم حسبات طايح بالعيون

دارمیات

گلبي بغيابك ضاع من عندي سنتين
ولگيته يبچي عليك يم باب الحسين

ها عصر ها مصباح گالو يشيلون
رجليه شالن طين من دمع العيون

لاضل نظربالعين لاظلت دموع 

 حزنك تسع تيام صاير بالاسبوع

 

كلمة احبك

انام انه اعلى ايدك وانسه هالناس
وبس انته ابوجودك آنه موجود
من تنده عليه آنه اذوبن بيك
لان كلمة احبك مالها احدود

دارمی

سبحه وخرز من طين وانگطعت ابمای 

هيج اني حال ايصير من تگطع اويای